Raf Yorumu: Həyat🍀 (@baymoriarty)

The Dreamers izləmisiz? I Origins- Bu filmi bir edit sayəsində kəşf etdim. Orada olan səhnə və mahnı məndə böyük maraq oyatdı. İzlədikcə anladım ki, filmdə əsas məsələ gözlərlə bağlıdı və bu artıq çoxdan məni təsir altına almışdı. Sevdiyim məqamlar. 1.…devamıThe Dreamers izləmisiz? I Origins- Bu filmi bir edit sayəsində kəşf etdim. Orada olan səhnə və mahnı məndə böyük maraq oyatdı. İzlədikcə anladım ki, filmdə əsas məsələ gözlərlə bağlıdı və bu artıq çoxdan məni təsir altına almışdı. Sevdiyim məqamlar. 1. Mahnılar olduqca uğurlu seçilib. Hətta mənim filmi izləməyimə səbəb olan editdə "The Dø- Dust it off" istifadə olunmuşdu. Bəlkə də filmi izləmədən eşitsəydim heç bu qədər sevməzdim. Onun abu-havasını öz üzərində daşımağı bacarıb. Eyni zamanda ayrı bir hava da qatıb. 2. Filmin effektləri çox xoşuma gəldi. Bunu izah etməyəcəm. Ancaq nümunə göstərə bilərəm: "Amelié". Bir filmdə axtardığım estetika məhz bu ikisində var. 3. Mövzusu deyib susuram. Mistika, dram, romantik, elmi-fantastika- bu qədər mövzunu eyni anda düşünmək və onlar arasında əlaqə yaratmaq insanı çaş-baş salır. Ancaq film tək başına bunun öhtəsindən olduqca uğurlu gəlib. Bir çox izləyicinin yorumlarından bu nəticəyə gəldim ki, onlara görə filmin sonu havada qalıb. Ancaq mənim fikrimcə, bu film məhz elə bu sonluqla bitməli idi. Sondakı o baxışlar artıq hər şeyi açıqlayırdı. 4. Michael Pitt-Ian Gray Başlıqda verdiyim sual bu baş rolla əlaqəli idi. İzlədiyim müddət boyu mənə tanış gəlirdi bu aktyor. Sən demə, The Dreamers'dəki Matthew imiş. Əslində tam olaraq tanımamağım normaldı çünki həm aktyorları araşdırmıram filmləri bitirdikdən sonra. Ancaq xüsusi nəsə olarsa yadımda qalırlar. Həm də 2003-dən 2014-ə qədər uzun bir müddət keçib. Yaşlansa belə yaraşıqlı idi amma :) Mənim şəxsən hər iki filmdə də performansı çox xoşuma gəlir bu aktyorun. Sevmədiyim məqamlar. Baş rol Astrid Bergès-Frisbey'in (Sofi) aktrisalığı məncə bu filmə görə sönük qalıb. Bəzi məqamlarda hiss və həyəcanı izləyiciyə ötürə bilmədi. (Amma çox gözəl idi. Bunu da vurğulamasam olmaz.) Bu qədər :) Normalda filmlərlə bağlı xüsusi bir seçiciliyim yoxdu. Deyə bilmərəm ki, dram sevirəm. Ya da komediya mənim üçün idealdı. Ancaq bundan sonra əmin oldum ki, mən hansı filmlərin həvəskarıyam. Bir filmdə özümün belə xəbərim olmadan axtardığım bütün xüsusiyyətləri bu əsər özündə cəmləşdirir.