Raf Yorumu: Gunay Eliyeva (@gunay04)

gunay04 8 months ago

Marafon kitablarından ikinci oxuduğum kitab Yunis Orucovun "Boraltan - Azadlığın tələsi" kitabı oldu. Kitabda Stalinin zülmündən Türkiyəyə sığınmış, lakin sonda yenə 1945-ci ildə Türkiyə tərəfindən Sovet hakimiyyətinə təhvil verilmiş 195 mühacirin, xüsusilə onlardan iki gəncin və geridə qoyduqları ailələrinin taleyindən…devamıMarafon kitablarından ikinci oxuduğum kitab Yunis Orucovun "Boraltan - Azadlığın tələsi" kitabı oldu. Kitabda Stalinin zülmündən Türkiyəyə sığınmış, lakin sonda yenə 1945-ci ildə Türkiyə tərəfindən Sovet hakimiyyətinə təhvil verilmiş 195 mühacirin, xüsusilə onlardan iki gəncin və geridə qoyduqları ailələrinin taleyindən bəhs olunur. Oxuduqca təsirlənməmək mümkün deyil. Kitabı işiniz yoxdursa 2 günə bitirə bilərsiz. Əslində marafon olmasaydı bəlkə də oxumağa davam eləməzdim. Kitab oxunmayacaq kitab deyil, lakin müəllifin tərəf tutmağı mənə etik gəlmədi. Marafon iştirakçılarına spoiler olmasın deyə çox dərinə getməyəcəm... Onsuz da marafona görə bu kitabı yəqin ki bir neçə dəfə də oxumalı olacam... 🥀 Dərin yaralar lal olur, Səhər. Qorxma, o sükutu pozacam, inşallah. Bəlkə də, məni bura çarəsizliyim gətirdi. Bura düşəndən sonra bildim ki, çarəsizliyi yaradan həbsxana divarları deyil, insanın içindəki divarlardır. Bax, həqiqi həbsxanadayam, amma özümü əvvəlki kimi çarəsiz saymıram. Qəribədir, deyilmi?.. 🥀 Həyat biz planlar qurarkən başımıza gələnlərdir. Hər il nə planlar qururduq... Amma başımıza gələnləri görürsən də. Bəzən insan düşündüklərini dilə gətirə bilmir, içində yaşayır. Bəzən bu işə yarasa da, bir də görürsən ki, yorulmusan. Bax mən indi yorulmuşam. 🥀 Məncə, fələk yoxdur. Onu insanlar uydurublar... Dərdi, ağrını, bəlanı Allaha bağlamaq istəməyiblər. Deyiblər günahdır... Bəli, insanlar əzaba düçar olanda rahatca qarğıya biləcəkləri bir varlıq icad ediblər. Yaxşılığı Allahdan gözləyib, pisliyi fələyin adına yazıblar... 🥀 Biz siyasətin qurbanlarıyıq. Bizi güdaza verənlər elə bilirsən, azaddır? Onlar da tutduqları yolun qurbanıdır. Hamımız bir qazanda qaynayırıq. Onlar bu bəladan sağ-salamat çıxmaq üçün bizi qurban seçiblər, vəssəlam... 🥀 Bir vaxtlar Günəş qürub edəndə ümidlər də ölmüşdü. Amma həqiqət sonsuzluğun günəşidir. O, sən ümidini itirdiyin an doğar!..