Raf Yorumu: 🦋 (@ayseel)

Salam🩸💉 Biraz ürəyimi boşaltmaq istiyirəm. Əslində film bir neçə mövzuda tənqidi yanaşmaqla birbaşa və sanki gözümüzə soxurmuş kimi mesajlar verir. Ən əsası da cəmiyyətin qadınlara dayatdığı gözəllik normativləri, neqativ stereotiplərdir. Qadın bədəni film boyunca kadrajda olduğu üçün detaylı görə bilirik…devamıSalam🩸💉 Biraz ürəyimi boşaltmaq istiyirəm. Əslində film bir neçə mövzuda tənqidi yanaşmaqla birbaşa və sanki gözümüzə soxurmuş kimi mesajlar verir. Ən əsası da cəmiyyətin qadınlara dayatdığı gözəllik normativləri, neqativ stereotiplərdir. Qadın bədəni film boyunca kadrajda olduğu üçün detaylı görə bilirik və görmək olur ki, şouda iştirak edənlər hamısı gözəl bədən quruluşlu xanımlardır. Ancaq bu kifayət etmir ki, onlardan biri şounun siması olsun. Həmişə daha çoxunu, daha idealını axtarırlar. Cəmiyyət o qədər çox şey tələb edir ki, qadınlardan - gözəllik yetmir, bədən quruluşun da cəlbedici olmalıdı, normal kiloda olmaq yetməz fit də olmalısan, üstəlik həmișə baxımlı, gözəl geyimli, gülərüz, uğurlu , bacarıqlı olmalısan deyib siyahını o qədər uzada bilərəm ki. Deyə bilərsiniz ki, heç kim bunları etməyə məcbur olunmur, amma olunur. Beynimizə yeridilən gözəllik anlayışına uymağa çalışırıq istəmsizcə və daim bir müqayisə olunma içindəyik. Filmdə görüşə getməyə hazırlaşarkən Elisabeth'in yaşadığı sinir krizini mən dərindən hiss etdim. Əminəm ki, bir çox qadın keçirib o hissləri. Bəlkə bu cür obsessiya dərəcəsində olmasa da, makyaj edib aynaya baxanda özünü heç cür bəyənə bilməmək, ya da hər kəsin gözəllik anlayışına uyan həmcinslərinlə özünü müqayisə etmək, mütləq ki yaşanıb. Halbuki gözəllik görəcəlidir, hər yaşın və hər insanın özünəməxsus bir gözəlliyi var, üstəlik bunun sadəcə fiziki görüntüylə sərhədləndirilməsi fikri axmaqlıqdır. Yaş mövzusu da filmin önəmli hissəsidir təbii ki. "18-30 yaş arası xanımlar" günümüzdə demək olar ki, bütün iş elanlarında gördüyümüz şərt. Sanki bu yaşdan sonra qadınlar işə yaramazmış kimi davranılır, Elisabeth'ə hədiyyə olunan yemək kitabı.. Nə isə filmin özündən biraz danışsam, mütləq absurd səhnələrinin olduğunu deməliyəm. Mən əslində ilk başda iki xarakterin də bir-birlərinin həyatlarından xəbərdar olacağını təxmin edirdim, amma sadəcə biri yaşıyır, digəri isə istismar olunur. Əslində bu cür formada yeni və köhnə nəsil arasındakı fikir və həyat tərzi uyuşmazlıqlarına daha yaxşı diqqət çəkilib. Filmdə hər şey əla gedirdi, son final səhnələrinə qədər. O son səhnələrə ehtiyac varıydımı, nə qatdı filmə? Tam olaraq heç nə. Final filmdən gözlədiyim vuruculuqda əsla deyildi. Elisabeth'in özünə bir heç uğruna elədiklərini haqqlı saymıram əlbəttə, amma onu buna məcbur qoyan səbəbləri də yox saya bilmirəm. İnsan dayanmalı olduğu yeri bilməlidir sadəcə. Hələlik...