Raf Yorumu: esmerqulusoy (@esmerqulusoy)

Mollie Claypool-un qələmə aldığı və Christina Christoforou-nun illüstrasiyaları ilə zənginləşən "İşte Gaudi" kitabı Antoni Gaudi-nin təkcə memarlıq üslubunu deyil, onun mürəkkəb xarakterini və təfəkkür tərzini çox gözəl xülasə edir. Gaudi hesab edirdi ki, düz xətlər insana, əyri və orqanik xətlər…devamıMollie Claypool-un qələmə aldığı və Christina Christoforou-nun illüstrasiyaları ilə zənginləşən "İşte Gaudi" kitabı Antoni Gaudi-nin təkcə memarlıq üslubunu deyil, onun mürəkkəb xarakterini və təfəkkür tərzini çox gözəl xülasə edir. Gaudi hesab edirdi ki, düz xətlər insana, əyri və orqanik xətlər isə Allaha məxsusdur. Kitabda onun təbiətdən necə ilham aldığı xüsusi vurğulanır. Dəniz balıqqulaqları, ağac gövdələri, insan skeleti və arı pətəkləri onun üçün sadəcə estetik element deyil, həm də möhkəm mühəndislik strukturları idi. Gaudinin sənətini başa düşmək üçün onun zəngin sanayeçisi Eusebi Güell ilə olan dostluğunu unutmaq olmaz. Kitabda da göründüyü kimi, Güell olmasaydı, nə fantastik Park Güell , nə də Gaudinin sərbəst təxəyyülü bu qədər miqyaslı gerçəkləşə bilərdi. Gaudi sadəcə bina tikmirdi, o, materialları yenidən kəşf edirdi. Ağırlıq qüvvəsini hesablayaraq tağların formasını müəyyən etmək üçün zəncirləri tərs asaraq qurduğu sistem dövrünün hesablamalarından illərlə irəlidə idi. Sındırılmış keramik və şüşə parçalarından istifadə edərək yaratdığı mozaikalar bu gün Barselonanın vizual vizit kartına çevrilib. Memarlıq məktəbini bitirərkən rektorunun onun haqqında dediyi "Biz bu diplomu bir dahiyə, yoxsa bir dəliyə veririk, bunu zaman göstərəcək" cümləsi kitabın ana ruhunu təşkil edir. O dövrün klassik memarlıq normativlərini tamamilə alt-üst edən Gaudi, həqiqətən də öz dövrü üçün başdanxarab bir xəyalpərəst kimi görünürdü. Gaudinin Sagrada Familia (Müqəddəs Ailə Məbədi) ilə olan bağlılığı sadəcə bir memarın işinə cavabdehliyi deyil; bu, mistik bir fədakarlıq, ruhi transformasiya hekayəsidir. İlk illərdə paralel olaraq Casa Batllo, Casa Mila ve Park Güell kimi layihələr üzərində işləsə də, ömrünün son 12–15 ilində bütün başqa sifarişlərdən imtina etdi. O, dünyəvi şöhrəti, pulu və sosial həyatı bir kənara qoyaraq yalnız və yalnız Sagrada Familia-ya fokuslandı. Layihənin bu qədər yavaş irəliləməsi və tikintinin bitməməsi ilə bağlı ona sual verəndə, Gaudi məşhur cavabını vermişdi: "Mənim müştərimin tələsiyi yoxdur" (Müştəri dedikdə Tanrını nəzərdə tuturdu). O yaxşı bilirdi ki, bu məbədin bitməsini öz gözləri ilə görə bilməyəcək. Buna görə də o, gələcək memarların onun ideyasını davam etdirə bilməsi üçün unikal gips maketlər, detallı struktur hesablamaları və çertyojlar sistemi yaratdı. O, binanı təkcə özü üçün deyil, xüsusi bir kollektiv üçün əsrlər boyu davam edəcək sənət əsəri kimi layihələndirmişdi.