Raf Yorumu: Cavanşir Hüseynzadə (@javage)

Hər film ya serial üçün post paylaşmağı sevmirəm, yalnız iz buraxanlara vaxt ayırıram. Öncəliklə deyim ki, bu serialı illərdi izləyirəm, bitirmək bu günə nəsib imiş. Əslində xoş deyil, bir şeylərin bitməsi hər zaman ruh halımda boşluğa səbəb olur. Əhvalım dəyişir,…devamıHər film ya serial üçün post paylaşmağı sevmirəm, yalnız iz buraxanlara vaxt ayırıram. Öncəliklə deyim ki, bu serialı illərdi izləyirəm, bitirmək bu günə nəsib imiş. Əslində xoş deyil, bir şeylərin bitməsi hər zaman ruh halımda boşluğa səbəb olur. Əhvalım dəyişir, auram pozulur. Postu yazana qədər Yılmazı (Feyyaz Yiğit) dolça bürclü biri bilirdim, bir şübhəyə qərq olub yenidən yoxlayanda xərçəng olduğunu gördüm, hansı doğrudur bilmirəm nəhayətdə. Keçək serial barəsində davam edək. Dolça bürcü məsələsini ona görə açdım ki, bu tip ssenari, bu mətnlər, dialoqlar, əhvalatlar, xülyalar əksərən bu bürcə sahib insanların təxəyyülündən fışqırır. Onları yalnız öz dilindən anlayanlar başa düşür. Və bir də, bu bürcün insanları sözləri üzə deməyi bacarır, çəkinmir və təküzlü olurlar. Elə bu serial da bu səbəblə məni özünə bağlaya bilmişdi, düşüncələr yalnız beyin fazaları arasında var-gəl etmək üçün deyil, heç onlara sərf olunan enerji də boşa tükənməli deyil. Düşüncələr sözlərə, səslərə dönməli və azadlığa bəxşiş verilməlidir. Yılmaz, İlkkan, Ersoy üçlüsü və onların sərgüzəştləri vasitəsilə bəlkə də çoxlarına absurd gələn (komediya tərəfi də bu hesab olunur çoxluğun fikrinə görə) bu yaşananlar əslində standartın özü olmalıdır. Bəlkə bir yerlərdə və biraz məndə də elədir. Feyyaz Yiğit və Aziz Kedi kardeşleri çox qınadım sonlara yaxın, abi niyə bitirdiniz gül kimi işi deyərəkdən öz-özümə, sonra həqiqətən yeni əhvalatların əskikliyini hiss etməyə başladım. Özlərinin də açıqladığı kimi özünü təkrarlayan nəsnəyə dönməməsi və serialın zirvədəki yerini boşuna sarsmamaq üçün son ən yaxşı addım oldu. Lakin bu əvvəldə də dediyim kimi mənim üzülməyimə dərman olmur dostlar, yəqin ki açıb-açıb ara-sıra köhnə seriyalardan izləyəcəm. Həyatın içindən bizə belə bir dad gətirmələrinə, kefimizi və əhvalımızı şən tutmalarına, həmçinin dolu-boş düşünməmizi bizimlə paylaşmalarına görə əziz Gibi heyətinə dərin təşəkkürlərimizi və iltifatlarımızı gibisevərlər adından çatdırırıq. Çünki mən bir dolça bürcüyəm. Aşağıya bu postu oxuyub anlaya bilən ya bilməyən şəxsin beynində canlanacağı gibi cümləsini yazıram: -İlkkan seni hiç dinlemedim ama yani bence haksızsın yaa😂