xmagicalm (@xmagicalm)

Bu dəfəki qəhrəmanımız Raskolnikovdur. Bəli, həyatı əbədi dilemmalar üzərinə qurulmuş həmin Raskolnikov... Deyərdim ki, Dostoyevskinin ən müqəddəs əsər personajı da məhz odur. Əsərin məndə oyatdığı təəssüratlar haqqında danışsam, insanın hər zaman təxəyyülündə canlandırdığı “ideal mən” obrazını real həyata uyğunlaşdıra bilməyəcəyini…devamıBu dəfəki qəhrəmanımız Raskolnikovdur. Bəli, həyatı əbədi dilemmalar üzərinə qurulmuş həmin Raskolnikov... Deyərdim ki, Dostoyevskinin ən müqəddəs əsər personajı da məhz odur. Əsərin məndə oyatdığı təəssüratlar haqqında danışsam, insanın hər zaman təxəyyülündə canlandırdığı “ideal mən” obrazını real həyata uyğunlaşdıra bilməyəcəyini qeyd edərdim. Raskolnikovun da ilk səhvi burdan başlayır. O, öz təsəvvüründə çox cəsarətli, ədaləti ilə öz dünyasını idarə edə bilən, bir o qədər etdiyi əməllərə görə vicdan əzabı çəkməyən şəxsiyyətdir. Diqqətinizi bir məsələyə yönəldim: Raskolnikov haqqında ilk zamanlar şəxsiyyət olaraq bəhs etsəm də, o, zaman keçdikcə fərdə çevrilir, artıq sərbəst qərarlar verməkdə və onu icra etməkdə çətinlik çəkir. Bu isə onun mənəvi səhvinin bariz nəticəsi idi. Dini müstəvidən baxsaq, bu ifadə üzərindən yol almaq istəyirəm: “Can almaq yalnız onu yaradana məxsusdur”. Bəli, əlbəttə, hər halda bu insana xas olan əməllər sırasında deyil, lakin, təəssüflər olsun ki, cəmiyyətdə hər qanunun axarında işləmədiyi kimi, bu məsələ də mücərrəd olaraq qalır. Eyni zamanda, cəmiyyətin qəbullanmaqda çətinlik çəkdiyi proseslər də mövcuddur, çünki bəzən insanın subyektiv ədaləti toplumun tərəzisi ilə tərs mütənasib olur. Belə olduğu halda da ortaya xoşagəlməz hadisələr çıxır. Əsərdə nəzərinizə çatdırmalı olduğum bir şəxs də Razumihindir. Razumihin status-kvoya çox asanlıqla adaptasiya olur, hər məsələyə fərqli yanaşma qoyaraq məntiqi sonluğu asanlıqla tamamlayır, eyni zamanda onun rəngarəng xarakteri əsəri oxunaqlı edir. Məruzəmi burada yekunlaşdırmadan əvvəl əsərdəki bu cümlənin mənə stimul olduğunu vurğulamaq istəyirəm: “İqtidar yalnız onu əyilib alma cəsarəti olanlara verilir. Burda yalnız bir şeydən söhbət gedir, Sonya, o da cəsarətdir”. Mən hər birinizə doğru zamanda, doğru məkanda və doğru situasiyada cəsarətli olmağı arzu edirəm...

xmagicalm 3 weeks ago

Balaca Şahzadə

Antoine De Saint-Exupéry

2 Gönderi

"Ən çox ürəyi ilə görə bilər insan, gözlər əsl görülməli olanları görə bilməz". Uzun müddət təsirindən çıxa bilmədiyim bu cümlə Exúpery yaradıcılığındandır. Oxumaqdan zövq aldığım, hətta oxumaqla yetinməyib filmini də izlədiyim "Balaca Şahzadə" oxuculuq həyatımın kiçik tozlu rəflərinin ən gözəl…devamı"Ən çox ürəyi ilə görə bilər insan, gözlər əsl görülməli olanları görə bilməz". Uzun müddət təsirindən çıxa bilmədiyim bu cümlə Exúpery yaradıcılığındandır. Oxumaqdan zövq aldığım, hətta oxumaqla yetinməyib filmini də izlədiyim "Balaca Şahzadə" oxuculuq həyatımın kiçik tozlu rəflərinin ən gözəl guşəsində yerini alacaqdır. Kitabı mütaliə edərkən sanki həqiqətən də başqa kainatın mövcudluğunun reallıq olduğunu və bizim bixəbər şəkildə həyatımızı davam etdirdiyimizi hiss etdim. İnsan yaşamalıdır, sözün əsl mənasında... Sevməlidir, sevilməlidir, kədərlənməlidir, gülməlidir, həyatının hər bir çağını doya-doya yaşamalı, ona cəmi bir dəfə verilmiş bu ömrün hər gününü son günü imiş kimi dəyərləndirməlidir, axı o dünyaya bir dəfə gəlir... Kitabda da adından göründüyü kimi "balaca şahzadəmiz" çoxlu planetlər gəzərək özünün aid olduğu kainatı tapmağa çalışır. O, gəzdiyi planetlərdə çoxlu personajlarla rastlaşır. Hər biri bir-birindən xarakterinə görə seçilən bu personajlardan ən çox nəzər salmalı olduğumuz fikrimcə tülkü və qızıl güldür. Qızıl gülün həyat fəlsəfəsi də gözəl olduğu üçün özünü həddindən artıq çox sevmək və kainatda tək olduğunu zənn etməkdir, buna görə də sevildiyinə layiq olduğunu düşünsə də bu sitat əslində hər şeyi açıqlayır: "Birini gözəl olduğu üçün sevməzsən ki, o sən onu sevdiyin üçün gözəldir". Tülkünün ideologiyasına nəzər salsaq, o isə ən çox insan münasibətlərinə, mənəvi bağlara önəm verir. Kitab haqqında çox danışıb onu burdan deyil də, əlinizə alaraq özünüzün oxumasını tövsiyə edərdim. Sadəcə sevdiyim bir-iki sitatı bura əlavə edəcəm. Xoş mütaliələr. "Bəlkə də səma insanlardan uzaq olduğu üçün gözəldir", deyir Exúpery və davam edir: "İnsanlar arasında da yalnızdır insan"... X.Müslümzadə.

xmagicalm 4 weeks ago

Cadılar Bayramı Cinayeti

Agatha Christie

1 Gönderi

Dedektiv əsərlər oxumaq mənim üçün başqa dünyaya açılan qapının açarının axtarışına çıxmaq kimidir. Dedektiv əsərlərdən danışırqsa,əlbətdə,flaqman olaraq Aqata Kristini qeyd etməsəm,ona və yaradıcılığına böyük haqsızlıq etmiş olaram.Onun əsərlərini oxuyarkən sanki öz təxəyyülümün istehsalı olan Netflix seriallarına baxıram kimi hiss edirəm.…devamı